Әтинең әсәрләрен яңадан укып барам. Кайсыберләрен бер дә укымаганмын икән, кайсыберләрен укып та, аңлап бетермәгәнмен. Хәзер исә һәр әсәре шуның кадәр аңлаешлы... Һәрберсендә әтинең үзен күрәм. Һәр әсәре - шырран ачык ишек сыман. Ул ишек әтинең йөрәгенә, уйларына илтә.
Әтинең "Бишек" исемле әсәрен кабат укыдым әле. Исем китә. Шуның кадәр төзек композиция, тирәнгә алып китүче фикерләр, психологизм... Талантлы язылган әсәр. Ул шуның кадәр җентекләп язылган ки - кино караган итеп укыдым.